លោក ខេង សុខា គឺជាស្ថាបនិក និងជាប្រធានក្រុមប្រឹក្សាក្រុមហ៊ុន MBT CAMBODIA GROUP ដែលជាក្រុមហ៊ុនអភិវឌ្ឍគម្រោង ផ្តល់សេវាផ្នែកសិក្សាសមិទ្ធលទ្ធភាព វិស័យហិរញ្ញវត្ថុ សិក្សាគម្រោងប្លង់ និងអនុវត្តការងារអភិវឌ្ឍលើវិស័យអចលនទ្រព្យ ការអភិវឌ្ឍហេដ្ឋារចនាសម្ព័ន្ធ កម្មន្តសាល ផលិតកម្មអាហារ និងសកម្មភាពអាហរណ-នីហរណ។
ក្នុងនាមជាអ្នកគ្រប់គ្រងជាន់ខ្ពស់ផ្នែកអភិវឌ្ឍអាជីវកម្ម លោកមានសមត្ថភាពដ៏ខ្លាំងពូកែក្នុងការនាំមកនូវភាពរីកចម្រើន និងប្រាក់ចំណូលសម្រាប់អង្គការ-ស្ថាប័ន ដោយប្រើប្រាស់យុទ្ធសាស្ត្រអនុវត្តរួមផ្សំដែលពិសេសខុសប្លែកពីអ្នកដទៃ។ លោកទទួលខុសត្រូវក្នុងការពង្រឹងជំហរទីផ្សាររបស់ក្រុមហ៊ុន និងបង្កើនប្រសិទ្ធភាពអាជីវកម្ម។ ភារកិច្ចជារួមមានដូចជា ការកសាងទំនាក់ទំនងអតិថិជន តុល្យភាពរវាងភាគីពាក់ព័ន្ធ ស្វែងរកឱកាសអាជីវកម្មថ្មីៗ និងធ្វើការចរចា ក៏ដូចជាចុះកិច្ចព្រមព្រៀង។ ក្នុងនាមជាអ្នកគ្រប់គ្រងអភិវឌ្ឍអាជីវកម្ម លោកធ្វើការតភ្ជាប់បណ្តាញទំនាក់ទំនង ធ្វើការចរចា ទំនាក់ទំនង មានជំនាញដ៏ប៉ិនប្រសប់ផ្នែកអាជីវកម្ម ជំនាញផ្នែកលក់ វិភាគរិះគិត និងជំនាញកុំព្យូទ័រ។
លោកមានជំនាញផ្សេងៗដូចជា ការរៀបចំផែនការយុទ្ធសាស្ត្រ និងប្រតិបត្តិ កំណើនប្រាក់ចំណូល ក្រុមពហុមុខងារ ការស្រាវជ្រាវ និងវិភាគទីផ្សារ ការគ្រប់គ្រងផ្នែកលក់ ការគ្រប់គ្រងទំនាក់ទំនងអតិថិជន ការចរចាប្រកបដោយប្រសិទ្ធភាព ការគ្រប់គ្រងគម្រោង ការកែលម្អឱ្យប្រសើរឡើងនូវកិច្ចដំណើរការ។ នៅឆ្នាំ ២០២២ លោក ខេង សុខា ត្រូវបានព្រះមហាក្សត្រនៃព្រះរាជាណាចក្រកម្ពុជា សព្វព្រះហរទ័យប្រោសព្រះរាជាប្រទានគ្រឿងឥស្សរិយសព្រះរាជាណាចក្រកម្ពុជាថ្នាក់មហាសេនា និងទទួលបានព្រះរាជក្រឹត្យត្រាស់បង្គាប់តែងតាំង និងផ្តល់ឋានៈជាទីប្រឹក្សា CMAA ដែលមានងារជា ឯកឧត្តម ខេង សុខា មានឋានៈស្មើអគ្គនាយក។ លោក ខេង សុខា មានដើមកំណើតកើតនៅឃុំឬស្សីកែវ ស្រុកព្រែកប្រសព្វ ខេត្តក្រចេះ។ លោកបានបញ្ចប់ថ្នាក់អនុបណ្ឌិតផ្នែកគ្រប់គ្រងរដ្ឋបាលពាណិជ្ជកម្ម ហើយមានបទពិសោធន៍ជាច្រើនឆ្នាំដោយធ្លាប់ឆ្លងកាត់បម្រើការងារ និងគ្រប់គ្រងឱ្យក្រុមហ៊ុនជាតិ និងអន្តរជាតិធំៗនៅក្នុងព្រះរាជាណាចក្រកម្ពុជាចាប់ពីឆ្នាំ ២០០៥ រហូតដល់ឆ្នាំ ២០១៩។ ក្នុងរយៈពេល ១៤ ឆ្នាំកន្លងទៅនេះ លោកបានទទួលបទពិសោធន៍ក្នុងការគ្រប់គ្រងអាជីវកម្ម នាំមកនូវភាពជោគជ័យជូនដល់ក្រុមហ៊ុនក្នុងអំឡុងពេលដែលលោកបានបម្រើការ។ លោកក៏បានចូលរួមជួយការងារសង្គមយ៉ាងច្រើនផងដែរ។