នៅពេលដែលស្ថាប័នរបស់លោកអ្នកប្រឈមមុខនឹងបញ្ហាអាជីវកម្មដ៏ស្មុគស្មាញ ដែលជាឧបសគ្គរាំងស្ទះដល់ការរីកចម្រើន បង្កើនការចំណាយ និងនាំមកនូវហានិភ័យថ្មីៗ នោះលោកអ្នកមិនមែនត្រូវការតែការប្រតិបត្តិល្អៗ ឬដំណោះស្រាយសាមញ្ញៗនោះទេ។ កំណើនរយៈពេលវែងជាមួយនឹងផលចំណេញ និងចក្ខុវិស័យអំពីគុណតម្លៃបន្ថែម ទាមទារឱ្យមានការរិះគិតបន្ថែមថាតើលោកអ្នកនឹងធ្វើអ្វីខ្លះ ជាមួយនឹងធនធានដែលខ្លួនមានតាមរបៀបជាយុទ្ធសាស្រ្ត ដើម្បីជំរុញឱ្យមានការផ្លាស់ប្តូរកែប្រែ។ នៅក្នុងបរិយាកាសអាជីវកម្មបច្ចុប្បន្ន អង្គភាព-ស្ថាប័នដែលមានការឆ្លើយតបយឺតយ៉ាវ ឬមិនអើពើនឹងភាពចាំបាច់នៃការផ្លាស់ប្តូរកែប្រែ នឹងប្រឈមមុខកំណើនយឺតយ៉ាវ និងបាត់បង់ឧត្តមភាពប្រកួតប្រជែង ។
      ការផ្លាស់ប្តូរផ្នែកហិរញ្ញវត្ថុ ត្រូវតែអនុវត្តទូទាំងសហគ្រាស។ អ្នកជំនាញផ្នែកប្រឹក្សាយោបល់ហិរញ្ញវត្ថុរបស់យើងមានទាំងចំណេះដឹងផ្នែកហិរញ្ញវត្ថុ និងគណនេយ្យ គួបផ្សំជាមួយនឹងចំណេះដឹងមូលដ្ឋានអំពីបច្ចេកវិទ្យាដែលអាចជួយលោកអ្នកឱ្យទទួលបានទុនពីឱកាសដើម្បីជាជំនួយដល់ការរីកចម្រើន កែលម្អ និងការពារអាជីវកម្មរបស់លោកអ្នកឥឡូវនេះ និងនាពេលអនាគត។ MBT អនុវត្តវិធីសាស្ត្រស្របទៅតាមកាលៈទេសៈជាក់ស្តែងរបស់ លោកអ្នក។ ហើយយើងអាចជួយលោកអ្នកឱ្យរិះគិតបន្ថែមអំពីអ្វីដែលលោកអ្នកត្រូវធ្វើជាមួយទិន្នន័យ ដើម្បីបើកចក្ខុវិស័យអំពីតម្លៃអាជីវកម្ម ។
      យើងបន្តអភិវឌ្ឍសេវាកម្មរបស់យើងដើម្បីបំពេញតាមតម្រូវការនូវស្តង់ដារឌីជីថលដែលកំពុងវិវឌ្ឍន៍យ៉ាងឆាប់រហ័សនាពេលបច្ចុប្បន្ននេះ និងគោលដៅលោកអ្នកដែលមានការវិវឌ្ឍន៍ជារៀងរហូតរបស់ ដើម្បីសម្រេចបានភាពជោគជ័យ។ យើងដឹងថាការផ្លាស់ប្តូរដ៏តូចមួយអាចនាំមកនូវភាពខុសគ្នាជាវិជ្ជមានដ៏ធំ ។